Թուրքիան ՆԱՏՕ-ում Ռուսաստանի և Չինաստանի կողմնակիցների է նշանակում

Aysor.am-ը գրում է.

Թուրքիան ՆԱՏՕ-ում ռազմական ներկայացուցիչների է նշանակում, որոնք Ռուսաստանի, Չինաստանի և Իրանի կողմնակիցներ են, Արևմուտքի հետ փոխգործակցության տրամադրություն ունեցողների փոխարեն, հայտնում է Gazeta.ru-ն՝ հղում անելով The Times-ին:

Թերթի տվյալով՝ խմբագրության տրամադրության տակ են հայտնվել Դաշինքի Միացյալ զինուժի  գերագույն գլխավոր հրամանատար Կյորտիս Սկապարոտտիին ուղղված ծառայությունից հեռացված զինվորականների էլեկտրոնային նամակները:

Գեներալին հաղորդում են Թուրքիայի բանակում «ծայրահեղ ազգայնական և հակաարևմտամետ տրամադրությունների զգալի աճի մասին»:

Թուրք սպաներից մեկը նշել է, որ «նրանցից ոմանք հարցականի տակ են դնում ՆԱՏՕ-ի արժեքները և նույնիսկ ատում են արևմտյան կազմակերպությունները՝ սատարելով Ռուսաստանին, Չինաստանին և Իրանին»: