Հարավային Կորեայում հազարավոր մարդիկ տոնում են նախագահի իմպիչմենտը
17:17 , 10 դեկտեմբեր, 2016Armenpress.am-ը գրում է.
Հարավային Կորեայում մի քանի հազար մարդ դուրս է եկել փողոց և տոնել երկրի նախագահ Պակ Կին Հեյի իմպիչմենտը: Ինչպես փոխանցում է «Արմենպրես»-ը, այդ մասին հաղորդում է Sky News-ը: Հազարավոր մարդիկ շքերթով անցել են նախագահական պալատի կողքով և հավաքվել հանրահավաքի այն վայրում, որտեղ մի քանի շաբաթ պահանջել են նախագահի հրաժարականը: Դեկտեմբերի 9-ին Հարավային Կորեայի նախագահ Պակ Կին Հեն իր լիազորությունները հանձնել է երկրի վարչապետին: