Արտաշատում զոքանչը վնասել է նախկին փեսայի մեքենան

Yerkir.am-ը գրում է.

Կինը հայտնվել է ամբաստանյալի աթոռին՝ դստեր նախկին ամուսնու մեքենան դիտավորությամբ վնասելու համար:

Դատական տեղեկատվական համակարգից տեղեկանում ենք , որ Գ. Գ-ն դստեր նախկին ամուսնու` Ա. Կ-ի գույքը վնասելու դիտավորությամբ,  Արտաշատ քաղաքում գտնվող իրենց շենքի 3-րդ հարկի բնակարանի պատշգամբից պլաստմասե մոմակալով դիտավորությամբ հարվածել է նախկին փեսային պատկանող ավտոմեքենայի տանիքին: Արդյունքում Ա. Կ-ին պատճառվել է զգալի չափերի` 60.000 ՀՀ դրամ ընդհանուր արժողության գույքային վնաս:

Կնոջ նկատմամբ, որպես խափանման միջոց է ընտրվել՝ չհեռանալու մասին ստորագրությունը: