Թուրքիան մտադիր է Ռուսաստանից բնական գազ գնել ազգային արժույթով

Araratnews.am-ը գրում է.

Թուրքիան և Ռուսաստանը քննարկում են բնական գազի առևտուրը թուրքական լիրայով իրականացնելու հարցը: Թուրքական ntv.com.tr  լրատվական կայքի տեղեկացմամբ՝ այս մասին տեղեկացրել է Թուրքիայի էներգետիկայի և բնական պաշարների նախարար Բերաթ Ալբայրաքը խորհրդարանում ունեցած ելույթի ժամանակ:

«Էներգետիկ քաղաքականության այս նոր փուլում Թուրքիան պատրաստվում է ազգային արժույթով առևտուր իրականացնել հատկապես այն երկրների հետ, որոնք գործ ունեն մեծ ծավալների էներգիայի շրջանառության հետ»,- նշել է  նախարարը:

Նա նաև հավելել է որ ներկայումս աշխատանքներ են տարվում ռուսական համապատասխան կառույցների հետ՝ թուրքական լիրայով առևտրին անցնելու համար: