Չինաստանը նոտա է հղել ԱՄՆ-ին

Artsakhpress.am-ը գրում է.

Չինաստանի ԱԳՆ-ը բողոք է հայտնել ամերիկյան կողմին՝ կապված Թայվանի ղեկավար Ցայ Ինվենի հետ ԱՄՆ նորընտիր նախագահ Դոնալդ Թրամփի հեռախոսազրույց ունենալու հետ։

Բրիտանական Reuters լրատվական գործակալության փոխանցմամբ՝ այդ մասին նշված է Չինաստանի ԱԳՆ-ի տարածած հայտարարությունում. «Մենք արդեն իսկ ուշադրություն ենք հատկացրել համապատասխան հաղորդման վրա և արդեն կոշտ զգուշացում ենք արել ամերիկյան կողմին»։

Չինաստանի ԱԳՆ-ն ընդգծել է, որ աշխարհում գոյություն ունի միայն մեկ Չինաստան, և որ Թայվանը նրա անքակտելի մասն է։