«Հայկական ժամանակ». Բնապահպանության նախարարությունը 914 հազար դրամ արժողությամբ Լյուքսեմբուրգի տոմս է ձեռք բերել

«Բնապահպանության նախարարությանը հոկտեմբերի 14-ին Մոսկվայով և ետադարձ թռիչքով Լյուքսեմբուրգի մեկ տոմս է ձեռք բերել որի արժեքը 914 հազար դրամ է կամ մոտ 1750 եվրո: Այդ տոմսով Լյուքսեմբուրգ է թռել նախարար Արծվիկ Մինասյանը:

Քանի որ վարչապետի որոշման և Ա. Մինասյանի թռիչքի միջև ընդամենը 2 օր է մնացել, կարելի է մտածել, որ այդ պատճառով է տոմսն այսքան թանկ ստացվել: Բայց եթե անգամ մենք Լյուքսեմբուրգ թռչելու համար հենց վաղը փորձենք տոմս ձեռք բերել, այն կարժենա 400-800 եվրո կամ 200-400 հազար դրամ: Իհարկե, կան նաև 1000-2000 եվրոյով հարմարավետ տոմսեր, բայց արդյոք մեր աղքատիկ բյուջեն ընդունա՞կ է նման շռայլության:

 Ի դեպ, նույն փաստաթղթում նշված է, որ նույն չվերթով գնվել է ևս մեկ տոմս, բայց այն արժեցել է կրկնակի էժան՝ 435 հազար դրամ: Այս տոմսն էլ նախարարության համար հավանաբար գնել է գերատեսչությունների ավիատոմսերի գնումներով զբաղվող «էկենգ» ընկերությունը, որին այս պարագայում թանկությունը, կարծես թե, այնքան էլ չի հետաքրքրել»,–գրում է թերթը։

Մանրամասները՝ թերթի այսօրվա համարում։