Կոլումբիայում վթարված ինքնաթիռի վառելիքը վերջացած է եղել

Երկուշաբթի Կոլումբիայում կործանված BAE Avro ինքնաթիռի վառելիքը վերջացած է եղել։ ԶԼՄ-ներում հայտնվել է ինքնաթիռի օդաչուի և կոլումբացի ավիադիսպետչերի բանակցությունների ձայնագրությունը։ Օդաչուն մի քանի անգամ վայրէջքի թույլտվություն է խնդրում՝ էլեկտրասարքերում առաջացած խոտանի և վառելիքի սղության պատառով։

Ավիադիսպետչերը տալիս է վայրէջքի թույլտվություն։ Ձայնագրության ավարտից առաջ օդաչուն հայտնում է, որ ինքնաթիռը թռչում է 2.7 կմ բարձրության վրա։ Երկուշաբթի ինքնաթիռն ընկել է հյուսիսային Մեդելին քաղաքից ոչ հեռու՝ լեռնային տեղանքում։

Օդանավակայանի պաշտոնական հաղորդագրությունում ասվում է, որ անձնակազմը հայտնել է շարժիչի հետ կապված խնդիրների մասին։

AFP-ի աղբյուրը Կոլումբիայի զինված ուժերում հայտարարել է, որ վառելիքի ավարտվելն է ապացուցում նաև այն, որ ինքնաթիռում պայթյուն չի եղել։ Սակայն վառելիքի պակասն ինքնին կասկածելի է թվում։ Երեկ հաղորդվել էր սև արկղերի գտնվելու մասին։ Ավիավթարի պատճառների հետաքննությունը կարող է մի քանի ամիս տևել։

Ավիավթարի հետևանքով զոհվել է 71 մարդ, 6-ին հաջողվել է ողջ մնալ։ Բրազիլիայում եռօրյա սուգ է հայտարարված։