Գտնվել են Կոլումբիայում վթարված ինքնաթիռի սև արկղերը
07:24 , 30 նոյեմբեր, 2016
Գտնվել են Կոլուբիայում երեկ վթարված բրազիլական օդանավի սև արկղերը։ Բորտային ինքնագրիչները գտնվում են լավ վիճակում։ Այս մասին հայտնել է Կոլումբիայի քաղավիացիայի վարչությունն իր Twitter-ի էջում։
Երկրի հյուսիսարևմտյան Մեդելին քաղաքի օդանավակայանից ոչ հեռու վթարված ինքնաթիռի զոհերի ցուցակը Կոլումբիայի իշխանությունները հստակեցրել են։ Նոր տվյալներով՝ ինքնաթիռի անկման հետևանքով զոհվել է 71, ողջ մնացել՝ 6 մարդ։
Ավելի վաղ հաղորդվել էր ինքնաթիռում 81 մարդու մասին, սակայն, ինչպես պարզվել էր, ցուցակի ուղևորներից 4-ը չէին թռել այդ չվերթով։ Համաձայն օդանավակայանից ստացված հաղորդագրության՝ անձնակազմը հայտնել է շարժիչի հետ կապված խնդիրների մասին։ Տեղի ԶԼՄ-ները նաև հայտնում են, որ օդաչուները տվել են վառելիքի ցածր մակարդակի մասին ազդանշան և պատրաստվել արտակարգ վայրէջքի։
