Պեսկովը հայտնել է, թե երբ է տեղի ունենալու Պուտինի ու Էրդողանի հաջորդ հանդիպումը

Ռուսական TASS լրատվական գործակալության փոխանցմամբ՝ Ռուսաստանի ու Թուրքիայի նախագահներ Վլադիմիր Պուտինի ու Ռեջեփ Էրդողանի հանդիպումը նախապատրաստվում է, սակայն այն տեղի կունենա 2017 թվականից ոչ շուտ։
Այդ մասին գործակալությանը հայտնել է Ռուսաստանի նախագահի մամլո քարտուղար Դմիտրի Պեսկովը. «Նման հանդիպում պատրաստվում է։ Կա ըմբռնում, որ այն սկզբունքորեն կանցկացվի բավական շուտ»։

Պեսկովը բացասաբար է պատասխանել հարցին, թե արդյոք հանդիպումը կանցկացվի մինչև տարեվերջ։ Նրա խոսքերով՝ երկկողմ հարաբերությունների ծավալն ազդեցիկ է և շատ բան կա վերականգնելու, ինչպես նաև ընդլայնելու բազմաթիվ ոլորտներում։

Պեսկովի խոսքերով՝ Պուտինը վերջերս Էրդողանի հետ հեռախոսազրույցի ժամանակ հայտարարել էր, որ ռուսական ավիացիան չի մասնակցել նոյեմբերի 24-ին Սիրիայի հյուսիսում թուրք զինվորականների վրա կատարված հարձակմանը։