Օլանդը կոչ է արել լիովին վերացնել Կուբայի դեմ սահմանված էմբարգոն

Artsakhpress.am-ը գրում է.

Ֆրանսիայի նախագահ Ֆրանսուա Օլանդը Կուբայի վրայից առևտրային էմբարգոյի լիարժեք հանման կոչ է արել՝ ելույթ ունենալով կուբայական հեղափոխության առաջնորդ Ֆիդել Կաստրոյի մահվան կապակցությամբ։

Այս մասին հայտնում է BFMTV հեռուստաալիքը։

Մադագասկարի մայրաքաղաք Անտանանարիվուում լրագրողների առջև ելույթի ժամանակ նա նշել է, որ «Կուբան կարող է դիտարկվել որպես գործընկեր»։

Օլանդն ընդգծել է բացասական ազդեցությունը, որը Կուբայի տնտեսության վրա ունենում է արևմտյան երկրների էմբարգոն, և հայտարարել, որ Կուբան կարող է լիարժեքորեն մասնակցել միջազգային հանրության կյանքին։