ՀՀ վարչապետը ցավակցել է Միկոյանների ընտանիքին

Araratnews.am-ը գրում է.

ՀՀ վարչապետ Կարեն Կարապետյանը այսօր ցավակցական հեռագիր է հղել հայտնի ավիակոնստրուկտոր Վանո (Հովհաննես) Միկոյանի ընտանիքին եւ հարազատներին. տեղեկանում ենք ՀՀ կառավարության լրատվական ծառայությունից։

«Միկոյանի ընտանիքին

Հայաստանի Հանրապետության կառավարության և անձամբ իմ անունից խորին ցավակցություններս եմ հայտնում լեգենդար ավիակոնստրուկտոր Վանո Անաստասի Միկոյանի մահվան կապակցությամբ: Այս ծանր պահին կիսելով Վանո Միկոյանի ընտանիքի վիշտը՝ մաղթում եմ հոգու տոկունություն և համբերություն»,- ասված է հեռագրում:

Հիշեցնենք, որ այսօր Մոսկվայում 90 տարեկանում մահացել է լեգենդար ավիակոնստրուկտոր, МиГ-29-ի նախագծողներից Հովհաննես Միկոյանը։