Բան Կի Մունը Հնդկաստանին ու Պակիստանին կոչ է արել խուսափել հակամարտության սրացումից
19:16 , 25 նոյեմբեր, 2016
Artsakhpress.am-ը գրում է.
ՄԱԿ գլխավոր քարտուղար Բան Կի Մունը խորին մտահոգություն է հայտնել Քաշմիրում վերահսկողության գծում իրավիճակի վատթարացման կապակցությամբ եւ Հնդկաստանին ու Պակիստանին կոչ է արել խուսափել հակամարտության սրացումից:
Հայտարարության մեջ ասվում է, որ Բան Կի Մունը երկու կողմերին էլ կոչ է անում առաջնահերթ ուշադրություն դարձնել հանգստության եւ կայունության վերականգնմանը կոնֆլիկտի սրացումից եւ մարդկային զոհերից խուսափելու համար։ Նա վստահություն է հայտնել, որ Հնդկաստանն ու Պակիստանը կարող են փոխըմբռնման հասնել եւ կայուն խաղաղություն հաստատել, փոխանցում է «Սինհուա»–ն։