Նազարբաևը դեմ է մայրաքաղաք Աստանան իր անունով վերանվանելու գաղափարին
19:02 , 25 նոյեմբեր, 2016
Ղազախստանի նախագահ Նուրսուլթան Նազարբաևը դեմ է երկրի մայրաքաղաք Աստանան իր անունով վերանվանելու գաղափարին, հաղորդում է «Ռոսսիա-24» հեռուստաալիքը։
«Աստանան ապրանքանիշ է։ Անհրաժեշտություն չկա փոխել մայրաքաղաքի անունը»,-ասել է Նազարբաևը հեռուստաալիքին տված հարցազրույցի ժամանակ։
Հանրապետության ղեկավարը նշել է, որ Աստանայում անցկացվել է 21-րդ դարում ԵԱՀԿ առաջին գագաթնաժողովը, Ասիական ձմեռային խաղերը և մի շարք այլ միջոցառումներ։
«Այս ամենը կապված է Ղազախստանի հետ, բայց չէ՞ որ հնչում է Աստանայի անունը։ Ի՞նչ անհրաժեշտություն կա փոխել այն»,-ասել է երկրի նախագահը։