ՄԻԵԴ-ը մեղավոր է ճանաչել Ադրբեջանին
03:58 , 25 նոյեմբեր, 2016168.am-ը գրում է.
Մարդու իրավունքների եվրոպական դատարանը նոյեմբերի 24-ին հրապարակել է իր վճիռն ադրբեջանցի ընդդիմադիրներ Իլհամ Հուսեյնի, Թազահան Միրալամլիի, Բահրուզ Հասանովի, Թոֆիգ Դադաշևի, Թյուրքել Ալիսոյի և Ագավերդի Ռուշանովի դիմումներով: Այս մասին տեղեկացնում է ադրբեջանական Haqqin.az-ը:
Ընդդիմադիրները եվրոպական դատարան բողոք էին ներկայացրել անօրինական ձերբակալության, հավաքներ անցկացնելու ազատության և արդար դատական գործընթացի իրավունքների խախտման առնչությամբ:
Դատարանը վճռել է, որ ադրբեջանցի գործիչների իրավունքները խախտվել են: ՄԻԵԴ-ը պարտավորեցրել է Ադրբեջանին որպես փոխհատուցում 12 հազարական եվրո վճարել յուրաքանչյուրին, ինչպես նաև ևս 6 հազար եվրո դատական ծախսերի համար: