Եվրախորհրդարանը հավանության արժանացրեց ԵՄ-ին Թուրքիայի անդամակցության բանակցությունները սառեցնելու մասին բանաձևը

168.am-ը գրում է.

Եվրախորհրդարանն այսօր Ստրասբուրգում կայացած լիագումար նիստի ժամանակ վավերացրել է բանաձևը, որը կոչ է անում Եվրամիությանը կասեցնել դաշինքին Թուրքիայի անդամակցության վերաբերյալ բանակցությունները թուրքական իշխանությունների գործողությունների համատեքստում։

«Բանաձևը հավանության է արժանացել»,- հայտարարել են քվեարկության արդյունքները հրապարակելիս։

Երեկ Եվրամիության դիվանագիտության ղեկավար Ֆեդերիկա Մոգերինին Եվրախորհրդարանում ելույթի ժամանակ հայտարարել էր, որ ԵՄ-ի և Թուրքիայի հարաբերությունները ճամփաբաժանին են գտնվում և որ «հռետորաբանությունից անցումը մահապատժի վերականգնմանը ազդանշան կլինի, որ Թուրքիան չի ցանկանում դառնալ եվրոպական ընտանիքի անդամ՝ ո՛չ Եվրոպայի խորհրդի, ո՛չ Եվրամիության»։

Անձամբ Էրդողանը հայտարարել է նախօրեին, որ Եվրախորհրդարանի բանաձևի ընդունումը Անկարայի համար ոչ մի նշանակություն չի կարող ունենալ։