Պետդեպն «անօրինական» է անվանել Ռուսաստանի և Աբխազիայի միջև կնքված ռազմական համաձայնագիրը

Tert.am-ը գրում է.

Միացյալ Նահանգները չի ճանաչում Ռուսաստանի և Աբխազիայի միջև միացյալ զորախումբ ստեղծելու վերաբերյալ կնքված համաձայնագրի օրինականությունը, ինչի մասին հայտնել է Պետդեպի պաշտոնական ներկայացուցիչ Ջոն Քիրբին:

«Միացյալ Նահանգները դեմ է Ռուսաստանի և դե ֆակտո վրացական շրջանի՝ Աբխազիայի միջև միացյալ զինված ուժեր ստեղծելու համաձայնագրի վավերացմանը: Մենք չենք ճանաչում, այսպես կոչված, «համաձայնագրի» օրինականությունը, քանի որ այն հիմնված չէ գործող միջազգային իրավունքի սկզբունքների վրա»,- մեջբերում է gazeta.ru-ն Քիրբիի խոսքերը:

Աղբյուրը նկատում է, որ Միացյալ Նահանգները շարունակում է Աբխազիան և Հարավային Օսիան համարել Վրաստանի կազմում ներառված շրջաններ, ինչպես նաև պահանջում է Ռուսաստանից իրագործել 2008թ. Վրաստանի հետ կնքված հրադադարի համաձայնագրի բոլոր պարտավորությունները:

Ամբողջական հոդվածը կարող եք կարդալ այստեղ