«Ժողովուրդ». Հատկացված դրամաշնորհը նպատակային չի օգտագործվել, և խոշոր գումար է յուրացվել

«ՀՀ քննչական կոմիտեն այս տարվա հունվարից քննություն էր վարում «Գրանտակերների» դեմ: Իրավապահ մարմիններին դիմել էր հենց գրանտատուն՝ Եվրոպական Միության գրասենյակը, որը ստուգումներ էր իրականացրել և հայտնաբերել, որ հատկացված դրամաշնորհը նպատակային չի օգտագործվել, և խոշոր գումար է յուրացվել:

 «Ժողովուրդ»-ն ավելի վաղ հայտնել էր, որ դրամաշնորհները յուրացնելու գործով երկու անձի՝ Հրայր Գյոնջյանի և Գարիկ Չիլինգարյանի նկատմամբ հայտարարարվել է հետախուզում: Եվ այսպես, ամիսներ անց «ժողովուրդ» օրաթերթին հայտնի դարձավ, որ հետախուզվողներից Հրայր Գյոնջյանը «Հայաստանի բրոքերների ասոցիացիա» հասարակական կազմակերպության նախագահն է:

Նրա գործունեությունը հիմնականում միջազգային ասպարեզում է, և դա է պատճառը, որ իրավապահները միջազգային հետախուզում են հայտարարել նրա նկատմամբ: Ավելին՝ պարզեցինք՝ նա տևական ժամանակ բանակցություններ է վարել հայաստանյան մի շարք պետական կառույցների հետ»,–գրում է թերթը։

Մանրամասները՝ թերթի այսօրվա համարում։