Անգլիայի ափերին ուժեղ փոթորիկ է մոտենում

Բրիտանիայի ազգային օդերևութաբանական բյուրոն նախազգուշացնում է լույս կիրակի գիշերը երկրի հարավարևելյան ափերին «Անգուս» փոթորկի մոտենալու մասին, որը կուղեկցվի ուժեղ անձրևներով և քամով: Այս մասին հայտնում է RIA Novosti-ն՝ վկայակոչելով օդերևութաբանական ծառայության հաղորդագրությունը:

Կանխատեսվում է, ուժեղ անձրևները և քամին կսկսվեն շաբաթ օրը կեսգիշերին մոտ և կարող են տևել մինչև կիրակի կեսօր:

Օդերևութաբանական բյուրոն նախազգուշացնում է մոտ 100-130 կմ/ժ արագությամբ ուժեղ քամու մասին, որը կարող է էլեկտրալարեր, շենքեր վնասել, նաև հանգեցնել տրանսպորտային համակարգի կոլապսի: