Քուվեյթում ՀՀ դեսպանը 8 հողամաս է հայտարարագրել, անհատական բնակելի տներ, կիսակառույց շինություններ ու բնակարաններ

Tert.am-ը գրում է.

Նախագահի հունիսի 2-ի հրամանագրով ԱԺ նախկին պատգամավոր, ՀՀԿ-ական Մանվել Բադեյանը նշանակվեց Քուվեյթում ՀՀ դեսպան: 

Բարձրաստիճան պաշտոնատար անձանց էթիկայի հանձնաժողով ներկայացված եկամուտների և ունեցվածքի 2016թ.-ի հայտարարագրի համաձայն՝ Մանվել Բադեյանի եկամուտները պաշտոնը ստանձնելուց հետո կազմել են 2 միլիոն 449 հազար 300 դրամ, ինչը կազմվել է աշխատանքի վարձատրության գումարից:

Պաշտոնը ստանձնելու օրվա դրությամբ Մանվել Բադեյանը հայտարարագրել է 300 միլիոն դրամ, 40 հազար եվրո ու 1 միլիոն 625 հազար դոլար:

Ըստ հայտարարագրի՝ դեսպանն ունի նաև երկու ավտոմեքենա, մեկը՝ MERCEDES-BENZ 300 մակնիշի, մյուսը՝ MERCEDES-BENZ S 320:

Իսկ Մանվել Բադեյանի անշարժ գույքն, ըստ փաստաթղթի, բավական ընդգրկուն է: Բադեյանն ունի անհատական բնակելի 2 տուն` հողամասի վրա կառուցված, իր տնտեսական շինություններով, անավարտ՝ կիսակառույց շինություններ, 8 հողամաս, արտադրական նշանակության 2 շինություն, բազմաբնակարան բնակելի շենքում 2 բնակարան:

Ամբողջական հոդվածը կարող եք կարդալ այստեղ