Իրանը մոտ ժամանակներս կներկայացնի սեփական արտադրության մարտական ուղղաթիռ ու տանկ
23:02 , 16 նոյեմբեր, 2016
Իրանական Mehr լրատվական գործակալության փոխանցմամբ՝ Իրանը պատրաստվում է մոտ ապագայում ներկայացնել հայրենական արտադրության մարտական ուղղաթիռ ու տանկ։
Այդ մասին հայտարարել է Իրանի պաշտպանության նախարար Հոսեին Դեհղանը։ Նրա խոսքերով՝ ուղղաթիռը ստացել է «Սաբա-248» անվանումը, իսկ տանկը՝ «Կարար»։
Նա հավելել է, որ սպառազինության այդ նոր տեսակները ստեղծվել են Իրանի ՊՆ-ի մասնագետների և Իրանի մի շարք գիտահետազոտական կենտրոնների կողմից։
Դեհղանը հայտարարել է, որ Իրանը վերջին շրջանում ձգտում է նվազեցնել սպառազինությունների արտաքին մատակարարումներից իր կախվածությունը։