«WikiLeaks»-ի հիմնադրի հարցաքննությունն ավարտվել է
05:22 , 16 նոյեմբեր, 2016
Operativ.am-ը գրում է.
Լոնդոնում Էկվադորի դեսպանատանն ավարտվել է «WikiLeaks»-ի հիմնադիր Ջուլիան Ասանժի հարցաքննությունը, ում Շվեդիայում կասկածում են բռնաբարության մեջ: Այս մասին գրում է РИА Новости գործակալությունը՝ հղում տալով Շվեդիայի դատախազությանը:
Նշվում է, որ շվեդ դատախազները հարցաքննության որևէ մանրամասներ չեն հայտնել՝ Շվեդիայի և Էկվադորի իրավաբանական պրակտիկայի գաղտնիության կանոններից ելնելով։
Հետագա քայլերի մասին որոշումը դատախազությունը կընդունի, երբ Էկվադորից ստանա հարցաքննության գրավոր արդյունքները։