Թուրքական մամուլին մտահոգում է ՀՀ-ՌԴ համաձայնագիրը

Yerkir.am-ը գրում է.

Թուրքական մամուլը լայնորեն արձագանքել է Ռուսաստանի նախագահ Վլադիմիր Պուտինի ստորագրած համաձայնագրին, որով հավանություն է տրվել Կովկասյան տարածաշրջանում հայ-ռուսական միացյալ զինուժի ստեղծմանը:

Թուրքական Hurriyet-ը «Ընդլայնվում է ՌԴ-ի ազդեցությունը» վերնագրված հոդվածում ներկայացրել է համաձայնագրի պայմանները՝ հիշեցնելով 1995 թվականից ի վեր Գյումրիում տեղակայված ռուսական ռազմաբազայի մասին:

Համաձայնագրին արձագանքել է նաև Sondakika-ն: Նշելով, որ Ուկրաինայից ու  Սիրիայից հետո Ռուսաստանն իր ազդեցությունը ուժեղացնում է նաև Կովկասում, կայքը գրել է. «Հայաստանի պաշտպանական ռազմավարության մեջ պայմանագրի մակարդակով ներկայություն ունեցող Ռուսաստանը շրջապատել է Թուրքիան»:

Ըստ կայքի տեղեկությունների` այս համաձայնագրի  համաձայն` ստեղծվելիք միացյալ զորախմբի հրամանատարը նշանակվելու է Հայաստանի ԶՈւ գլխավոր շտաբի կողմից՝ Ռուսաստանի հաստատմամբ, իսկ պատերազմական գործողությունների ժամանակ հրամանատարությունն անցնելու է ռուսական կողմին: