ԵՄ-ն պատժամիջոցներ է սահմանել 17 սիրիացի նախարարի դեմ
10:00 , 15 նոյեմբեր, 2016
Եվրամիությունը պատժամիջոցներ է սահմանել 17 սիրիացի նախարարների և Սիրիայի Կենտրոնական բանկի ղեկավարի դեմ։ Այս մասին հայտնում է Եվրոպական խորհրդի կայքը։
Այսպիսով՝ պատժամիջոցային ցուցակը ընդլայնվել է՝ ընդգրկելով 234 անուն, ինչպես նաև 69 ընկերություններ ու կազմակերպություններ։
«ԵՄ երկրների մուտքի արգելքը և ակտիվների սառեցումը պատժամիջոցներ են մի ողջ շարք սիրիացի պետական պաշտոնաների դեմ, ովքեր պատասխանատվություն են կրում Սիրիայում քաղաքացիական բնակչության նկատմամբ դաժան ռեպրեսիաների համար, շահ ստանում ռեժիմից կամ աջակցություն ցուցաբերում նրան»,-ասվում է հայտարարության տեքստում։