Եվրոպական խաղերի ժամանակ Բաքվում անվտանգության պահպանումը դարձյալ ստանձնել է իսրայելական «Մոսադը»
23:06 , 1 նոյեմբեր, 2016
Ադրբեջանի ազգային անվտանգության համակարգում Իրանի մասով վերահսկողությունը հավանաբար հանձնված է իսրայելական հետախուզությանը:
Երեկ Ադրբեջանի խորհրդարանի ներկայացուցիչ Եվդա Աբրամովը հետաքրքիր տեղեկություններ է հաղորդել Ադրբեջանի ազգային անվտանգության համակարգում Իսրայելի հետախուզության և հատուկ առաջադրանքների վարչության` «Մոսադի» ներգրավվածության և «Ադրբեջանում իրանցիների դեմ» այդ հիմնարկության իրականացրած գործողությունների մասին:
Եվդա Աբրամովը մասնավորապես նշել է, որ 2012թ.-ին, երբ Ադրբեջանում էր անցկացվում «Եվրատեսիլ մրցույթը», Բաքվի մարզավաններից մեկում իսրայելական հատուկ ծառայության ջանքերով ձերբակալվել են մի խումբ «իրանցի ահաբեկիչներ»: Բացի այդ՝ Եվդա Աբրամովը նշել է, որ Եվրոպական խաղերի ժամանակ Բաքվում անվտանգության պահպանումը դարձյալ ստանձնել է իսրայելական «Մոսադը»: