ԵԱՀԿ Մինսկի խումբը ֆրանսիացի նոր համանախագահ ունի
12:04 , 21 հոկտեմբեր, 2016
Ֆրանսիան փոխել է Լեռնային Ղարաբաղի հակամարտության կարգավորման հարցով ԵԱՀԿ Մինսկի խմբի համանախագահին։ Այս մասին հաղորդում է Ֆրանսիայի կառավարության պաշտոնական կայքը։
Տեղեկատվության համաձայն՝ Ֆրանսիայի նախագահ Ֆրանսուա Օլանդը հոկտեմբերի 20-ին ստորագրել է հրամանագիր ԵԱՀԿ Մինսկի խմբի նոր համանախագահ նշանակելու վերաբերյալ: Նախագահի հրամանագրով Մինսկի խմբի Ֆրանսիայի համանախագահ է նշանակվել Ստեֆան Վիսկոնտին:
Ներկայիս ֆրանսիացի համանախագահ Պիեռ Անդրիոն այս պաշտոնին նշանակվել էր 2014 թվականին: