Tic Tac ընկերությունը Թրամփին դատապարտել է համբույրների մասին խոսքերի համար
12:00 , 9 հոկտեմբեր, 2016
Tic Tac ընկերությունը իր պաշտոնական Twitter-ում դատապարտել է Հանրապետական կուսակցությունից ԱՄՆ նախագահի թեկնածու Դոնալդ Թրամփի վիրավորական արտահայտությունները, հայտնում է gazeta.ru-ն:
Լայն քննարկման առարկա դարձած 2005 թվականի տեսագրությունում Թրամփը խոսում է նաև այն մասին, որ կանանց համբուրում է առանց մտածելու և թույլտվություն հարցնելու, ինչպես նաև ասում է, որ իրեն անհրաժեշտ է համբույրներից առաջ օգտագործել Tic Tac:
«Վերջերս արված հայտարարությունները և վարքը մենք գտնում ենք բացարձակապես անպատշաճ և անընդունելի»,- հայտնել են ընկերությունում և ավելացրել, որ իրենք հարգում են բոլոր կանանց: