Հակառակորդի կրակոցից ՊԲ 20-ամյա զինծառայողը վիրավորում է ստացել

10:44 , 7 հոկտեմբեր, 2016
Հոկտեմբերի 7-ին` ժամը 08:30-ի սահմաններում, ՊԲ հարավային ուղղությամբ տեղակայված զորամասերից մեկի պահպանության տեղամասում հակառակորդի կողմից արձակված կրակոցից հրազենային վիրավորում է ստացել զինծառայող, 1996թ. ծնված Հայկ Լևոնի Համբարձումյանը:

Այս մասին հայտնում են Լեռնային Ղարաբաղի Հանրապետության պաշտպանության նախարարության մամուլի ծառայությունից։

Հաղորդվում է, որ դեպքի մանրամասները պարզելու համար կատարվում է քննություն:

Հիշեցնենք, որ հոկտեմբերի 6-ի լույս 7-ի գիշերը, ըստ ԼՂՀ ՊԲ հաղորդագրության, շփման գծում հակառակորդը կիրառել է ԴՇԿ, «Իստիգլալ» և ՀԱՆ-17 հաստոցավոր ավտոմատ նռնականետ։