ԿԸՀ սերվերը չդիմացավ հետաքրքրվողների քանակին

Սա, իհարկե, երեք բանի մասին միանշանակ վկայում է:

Առաջինը՝ ԿԸՀ աշխատանքների նկատմամբ կա հանրային վստահության մեծ պաշար:

Երկրորդը՝ Հայաստանում իրոք կտրուկ աճել է համացանցից օգտվողների թիվը:

Եվ, երրորդը, այս ընտրությունները իրոք աննախադեպ էին մեր քաղաքական պատմության մեջ: Եվ այն հանգամանքը, որ մի շարք տեղամասերում և բնակվայրերում Րաֆֆին հաղթել է, դրա վառ ու ամենացայտուն վկայությունն է:

Իմ սիրելի գործընկերներ, ինչ վերաբերում է թվամարտին, վերջացրեք գյուղերի ու թաղամասերի հատվածական տարածումը, հասել եք նրան, որ այդ խաղը խաղում եք Րաֆֆու անունից ցանցում: 

Ես ձեզ իմ նմանատիպ ակտիվությամբ ցույց տվեցի, որ չարժե խրվել այս գործընթացի մեջ:

Ամոթ է: Դուք թվերը ինքներդ շատ լավ գիտեք: Ժողովրդի անունից էլ մի խոսեք:

Այս ընտրություններին ժողովուրդն արդեն հաղթել է: