Թուրքիան հայտարարել է, որ փախստականների խնդիրների լուծման համար միջոցներ չունի

168.am-ը գրում է.

Թուրքիայի խորհրդարանի նախագահ Իսմայիլ Ղահրամանը հայտարարել է, որ թուրքական կողմին չի բավականացնում Եվրամիության՝ ավելի վաղ փախստականների կարիքները հոգալու համար ավելի վաղ տրամադրված 500 մլն դոլարը։ Այս մասին հայտնում է RIA Novosti-ն։

«Սահմանների փակումը բազմիցս հանգեցրել է փախստականների կուտակման։ Ներկայումս Թուրքիայում կա 3 մլն փախստական»,- ասել է նա՝ ելույթ ունենալով եվրոպական խորհրդարանների ղեկավարների համաժողովում։

«Մենք հայտարարել ենք բաց դռների քաղաքականություն, ընդունում ենք նրանց, բայց ծախսերը գերազանցում են 1 միլիարդ եվրոն»,- հավելել է նա։

«Զգացվում է աջակցության ապահովման սուր անհրաժեշտություն։ Ավելի քան 500 մլն դոլարը մեզ արդեն հատկացվել է, սակայն մենք հավելյալ ֆինանսական միջոցների կարիք ունենք»,- հայտարարել է Թուրքիայի խորհրդարանի նախագահը։