Հրաշալի միջոց՝ բերանի տհաճ հոտից ազատվելու համար

Ինպե՞ս պայքարել բերանի տհաճ հոտի դեմ։ Մաստակը, կոնֆետները և սփրեյը միայն ծածկում են այդ տհաճ հոտը, որը կարճ ժամանակ անց վերադառնում է։ Լավագույն արդյունքի համար հարկավոր է պարզել հոտի պատճառները և սկսել դրանցից։

Ինչպե՞ս պարզել բերանից տհաճ հոտ գալիս է, թե ոչ

Բնականաբար ամենապարզ և միևնույն ժամանակ ամենատհաճ բանը զրուցակցին լսելն է. մենք բոլորս էլ խուսափում ենք դրանից։ Բարեբախտաբար, կան առավել նպատակահարմար ձևեր․

• Վարդագույն և մաքուր լեզուն փաստում է տհաճ հոտի բացակայության մասին, մինչդեռ սպիտակ, փառակալած լեզուն փաստում է ճիշտ հակառակը։
• Եթե ձեռքի տակ գդալ ունեք, ապա այն կարող եք մի քանի անգամ քսել լեզվին, թողնել, որ չորանա և հետո պարզել հոտի բնույթը։
• Կարող եք լիզել դաստակը և մի քանի վայրկյան հետո պարզել հոտի բնույթը։

Ինչպե՞ս ազատվել բերանի տհաճ հոտից

Վատ նորությունն այն է, որ չկա այնպիսի ունիվերսալ մեթոդ, որի օգնությամբ կկարողանաք մեկընդմիշտ ազատվել բերանի տհաճ հոտից։ Դուք ամեն օր սնվում եք, այդ իսկ պատճառով հարկավոր է ամեն օր խնամել բերանի խոռոչը։ Ահա այն հիմնական ձևերը, որոնք կօգնեն Ձեզ ազատվել տհաճ հոտից։

• Շատ ջուր խմեք։ Նույնիսկ մի քանի կաթիլ ջուրը կարող է օգնել տհաճ հոտի դեմ պայքարում, քանի որ խոնավ բերանում շատ ավելի քիչ մանրէներ կան, քան չոր բերանում։
• Մաքրեք լեզուն։ Լեզուն մաքրելը հոտի դեմ պայքարի ամենաարդյունավետ եղանակն է։ Լեզվի վրա հավաքվում են տհաճ հոտ առաջացնող մանրէների մեծ մասը, այդ իսկ պատճառով մաքուր լեզուն կնվազեցնի տհաճ հոտը։
• Օգտագործեք ատամի թել։ Շատ մանրէներ մնում են ատամների արանքում և տհաճ հոտ են առաջացնում։ Թելի օգնությամբ այդ արանքները մաքրելով՝ Դուք կմոտենաք թարմ շնչառություն ունենալուն։
• Ճիշտ սնվեք։ Կան մի շարք մթերքներ, որոնք օգնում են ազատվել բերանի տհաճ հոտից։ Այդպիսիք են՝ նարինջը, կանաչ թեյը, հատապտուղները, խնձորը և այլն։ Շատ մասնագետներ համարում են, որ հոտի դեմ պայքարի լավագույն եղանակը այս մթերքներն են։

Մաստակ ծամելը տհաճ հոտից ազատվելու ամենանօգուտ և հիմար միջոցն է, սակայն կան մի շարք մթերքներ, որոնք կարող եք ծամել մաստակի փոխարեն. այդպիսի մթերքներն են՝ անիսոնը, հիլը, սամիթը, դարչնի ձողերը (փոքրի կտոր), մեխակը (ոչ ավել, քան 1 հատ) և մաղադանոսը։

Առավելագույն արդյունք ստանալու համար հարկավոր է միաժամանակ կիրառել այս եղանակներից մի քանիսը և մշտապես փոփոխել եղանակների խմբերը հենց Ձեզ համար լավագույն մեթոդը գտնելու համար։

Այս խորհուրդների ամենօրյա օգտագործումը անպայման կօգնի ազատվել բերանի տհաճ հոտից։