Մեքենան դուրս է եկել ճանապարհի երթևեկելի հատվածից և մոտ 8 մ. գլորվել
11:20 , 6 սեպտեմբեր, 2016
Այսօր ժամը 00.48-ին ԱԻՆ տեղեկատվություն է ստացվել, որ Սևան- Ճամբարակ ճանապարահատվածի 18-րդ կմ-ին տեղի է ունեցել ՃՏՊ կան տուժածներ. անհրաժեշտ է փրկարարների օգնությունը։ Դեպքի վայր է մեկնել մեկ մարտական հաշվարկ։
ԱԻՆ լրատվական ծառայության հաղորդմամբ, պարզվել է, որ Սևան-Ճանբարակ ավտոճանապարին BMW մակնիշի 70 PQ 799 պետհամարանիշի (վարորդ՝ Ա. Խ.1976 թ. ծնված) դուրս է եկել ճանապարհի երթևեկելի հատվածից և մոտ 8 մ, գլորվելով գլխիվայր, ընկել ծառերի մեջ։
Փրկարարները մեքենայից դուրս են բերել 3 տուժած քաղաքացու՝ Ա. Թ.-ին 1978 թ․ ծնված, Ա. Ա.-ին 1979 թ․ծնված և Ա. Խ.-ին 1976 թ․ ծնված և մոտեցրել շտապօգնության մեքենային, ովքեր տեղափոխվել են Սևանի ԲԿ։