Երևանի Ջրաշեն թաղամասում ավտոտնակ է հրդեհվել

Օգոստոսի 29-ին, ժամը 13.23-ին ՀՀ արտակարգ իրավիճակների նախարարություն ահազանգ է ստացվել, որ հրդեհ է բռնկվել Երևանի Ջրաշեն 2-րդ փողոցի տներից մեկի ավտոտնակում:

ԱԻՆ լրատվական ծառայությունից հայտնում են, որ դեպքի վայր են մեկնել երկու մարտական հաշվարկ:

Հրդեհը մեկուսացվել է ժամը 13.56-ին, մարվել՝ 13.59-ին: Այրվել է ավտոտնակը (30 քմ) և ամբողջությամբ թոնրատունը, իսկ ներսում՝ կուտակված փայտ (1 խմ):