Google-ը ծաղրել է iPhone-ի հիշողության փոքր ծավալը

168.am–ը գրում է.

Google կորպորացիան տեսագրել է գովազդային հոլովակ, որտեղ ցուցադրել է Free Up Space-ի նոր գործառույթը: Տեսագրությունը հրապարակվել է YouTube-ալիքում՝ Google Photos անվան ներքո:

Free Up Space-ը ներքին հիշողության ոչ մեծ ծավալով սմարթֆոնների տերերին թույլ կտա լուսանկարներն ու տեսագրությունները պահել ամպային պահոցում, մինչդեռ Google Photos-ը ոչ պետքական նյութերն ավտոմատ կերպով կջնջի սարքի հիշողությունից:

16 գիգաբայթով iPhone-ի օրինակով Google-ը ցուցադրել է, թե ինչ անհարմարություններ կարող է պատճառել սմարթֆոնի սահմանափակ հիշողությունը:

Տեսահոլովակում հավաքված են մարդկանց կյանքի կարեւոր պահեր, որոնք նրանք չեն կարողացել նկարել սմարթֆոնում ազատ տեղի բացակայության պատճառով: