«Ռուսական երկաթուղիները» պատրաստ է հանդես գալ «Հյուսիս-Հարավ» միջանցքի օպերատորի դերում. ՌԴ նախագահի օգնական

Ռուսական RIA Novosti լրատվական գործակալության փոխանցմամբ՝ Ռուսաստանի նախագահի օգնական Յուրի Ուշակովը հայտարարել է, որ Ռուսաստանի, Իրանի ու Ադրբեջանի նախագահները Բաքվում կայանալիք հանդիպման ժամանակ ազդակ կհաղորդեն «Հյուսիս-Հարավ» տրանսպորտային միջանցքի նախագծին, և որ «Ռուսական երկաթուղիները» պատրաստ է հանդես գալ դրա օպերատորի դերում.

«Ենթադրվում է քննարկել Ռեշտ (Իրան) – Աստարա (Ադրբեջան) երկաթուղու կառուցման նախագիծը։ Այդ երկաթուղու երկարությունը կազմում է մոտ 172 կիլոմետր։

Այդ երկաթուղին հանդիսանում է «Հյուսիս-Հարավ» միջազգային տրանսպորտային միջանցքի արևմտյան ճյուղի բացակայող օղակը։ Մենք մեզ հաշիվ ենք տալիս մյուս երթուղիների և առաջին հերթին Սուեզի ջրանցքով ծովային երթուղու հանդեպ «Հյուսիս-Հարավ» միջանցքի հիմնական առավելությունների մասին, քանի որ իսկապես կրճատվում է բեռնափոխադրումների իրական ժամանակը։

Այս հարցը նոր չէ։ 2008 թվականից քննարկվում է Ռուսաստանի, Ադրբեջանի ու Իրանի երկաթուղիների միացման հարցը։ Հայտարարվել է, որ «Ռուսական երկաթուղիները» կարող են հանդես գալ դրա օպերատորի դերում»։