«Սասնա ծռերին» սնունդ հասցրած Արթուր Սարգսյանի մեղադրանքը վերաորակվել է. փաստաբան

Արթուր Սարգսյանի պաշտպան Արայիկ Պապիկյանը տեղեկացնում է, որ «Սասնա ծռեր» խմբի անդամներին սնունդ հասցրած Արթուր Սարգսյանի մեղադրանքը վերաորակվել է։

Պաշտպանը նշեց, որ Արթուր Սարգսյանն այժմ մեղադրվում է «Սասնա ծռերին» օժանդակելու մեջ։

Արթուր Սրագսյանի խափանման միջոց կալանքը վերացնելու վերաբերյալ, Արայիկ Պապիկյանը պատասխանեց, որ ցանկացած պահի դա հնարավոր է:

Ա. Սարգսյանին մեղադրանք էր առաջադրվել ՀՀ քրեական օրենսգրքի 218 հոդվածի 3-րդ մասի 1-ին կետով (պատանդ վերցնելը) և 235 հոդվածի 3-րդ մասով (ապօրինի զենք զինամթերք ձեռք բերելը, իրացնելը, պահելը, փոխադրելը):

Հիշեցնենք, որ Սարգսյանը հուլիսի 26-ին սննդով բեռնված մեքենայով ճեղքել էր ոստիկանության պատը և սնունդ հասցրել «Սասնա ծռերի» անդամներին: