Գերմանիան Թուրքիայից պահանջել է դադարեցնել ԵՄ-ի հետ շանտաժի լեզվով խոսելը
18:08 , 1 օգոստոս, 2016
Araratnews.am-ը գրում է.
Գերմանիան Թուրքիայից պահանջել է այլևս շանտաժի չենթարկել Եվրամիությանը` ներգաղթյալների համար սահմանները բացելու խոստումներով, ինչի նպատակը ԵՄ-ի հետ առանց վիզայի ռեժիմին հասնելն է` ՏԱՍՍ-ի փոխանցմամբ հայտարարել է Գերմանիայի փոխվարչապետ Զիգմար Գաբրիելը:
Նա շեշտել է, որ վիզային ռեժիմի ազատականացման հարցն ընդհանուր առմամբ կախված է Թուրքիայից. «Գերմանիան և ԵՄ-ն ոչ մի դեպքում չպետք է դառնան շանտաժի թիրախ»:
Ավելի վաղ Թուրքիայի արտգործնախարար Մևլութ Չավուշօղլուն սպառնացել էր, որ Անկարան կարող է հրաժարվել ԵՄ-ի հետ միգրացիոն գործարքից, եթե Բրյուսելը մինչև հոկտեմբեր Թուրքիայի քաղաքացիներին չհատկացնի առանց վիզայի ռեժիմ: