ԴԱԻՇ խմբավորումը Ռուսաստանում ջիհադի կոչ է արել

ԴԱԻՇ ահաբեկչական խմբավորումը սպառնացել է ջիհադ իրականացնել Ռուսաստանում՝ հայտնում է Reuters գործակալությունը։

9-րոպեանոց հոլովակում, որը թողարկվել է կիրակի, անապատում գտնվող նախապատրաստական ճամբարի ահաբեկիչը դիմում է ՌԴ նախագահ Վլադիմիր Պուտինին և հայտարարում, որ ռուսները կսպանվեն իրենց տներում։

Գրոհայինը Ռուսաստանում ջիհադի կոչ է անում «եղբայրներին»։

Ինչպես նշում է գործակալությունը, հոլովակի հղումը հրապարակվել էր ծայրահեղականների կողմից օգտագործվող Telegram-ի օգտահաշվում։

ԴԱԻՇ-ի գործունեությունն արգելված է Ռուսաստանում։