Մահմեդականները հրաժարվել են հուղարկավորել Ֆրանսիայում հոգևորականին սպանած ահաբեկչին

Ֆրանսիայում մահմեդական համայնքը երկրի հյուսիսում հրաժարվել է հուղարկավորել 19-ամյա Ադել Քարմիշին, որը պատարագի ժամանակ սպանել էր կաթոլիկ հոգևորականին՝ գրում է Sky News-ը:

«Մենք չենք ուզում արատավորել իսլամը այդ մարդու արարքով: Մենք չենք մասնակցի նրա հուղարկավորությանը»,- հայտարարել է տեղական մզկիթներից մեկի հոգևոր առաջնորդը:

Այդուհանդերձ, նա նաև նշել է, որ եթե քաղաքապետարանը և Քարմիշի ընտանիքը խնդրի, մահմեդական համայնքը ստիպված կլինի մարդ նշանակել այդ գործողությունը կատարելու համար: