Պատասխանատու լրատվական արձագանքներ ապահովելու ուղղությամբ դեռ անելու հսկայական գործ կա

Պատերազմական գործողությունների վտանգով կամ այդ գործողություններով պայմանավորված, Հայաստանում պարբերաբար ստեղծվող արտակարգ դեպքերում մեր տեղեկատվական դաշտը հատկապես վերջին տարիների ընթացքում հիմնականում կարողացել է յուրացնել մասնագիտական մակարդակով արձագանքելու և քարոզչական անվտանգության հիմնական սկզբունքերի համաձայն աշխատելու գործելաոճը:

Դատելով վերջին օրերի ներքաղաքական լարմանն ուղեկցող տեղեկատվական հոսքերից՝ նման պայմաններում համարժեք և պատասխանատու լրատվական արձագանքներ ապահովելու ուղղությամբ դեռ անելու հսկայական գործ կա, քանի որ ԶԼՄ-ներով ապատեղեկատվության տարածումը և դրանով հանդերձ դրա փաստացի լեգիտիմացումը պակաս վտանգավոր չէ ոչ միայն արտաքին, այլ նաև ներքին մարտահրավերների առկայության դեպքում:

Ասվածի համատեքստում, չեմ կարծում, որ արժանահավատ կարող է համարվել և առավել ևս ԶԼՄ-ներով տարածվել ֆեյսբուքյան տիրույթում, դիցուք, mynameislakhan-ի նման գրանցման հասցեով հանդես եկող և ոչ մի օգտատիրոջ փոխանցած տեղեկատվություն:

‪#‎տեղեկատվական‬