Ֆրանսիան ավիակիր կուղարկի Պարսից ծոց` ԻՊ-ի դեմ պայքարի համար
22:15 , 22 հուլիս, 2016
Araratnews.am-ը գրում է.
Ֆրանսիական «Շառլ դը Գոլ» ավիակիրը սեպտեմբերի վերջին կվերադառնա Պարսից ծոց` մասնակցելու «Իսլամական պետություն» ահաբեկչական խմբավորման դեմ ռազմական գործողություններին` ՏԱՍՍ լրատվական գործակալության փոխանցմամբ հայտարարել է Ֆրանսիայի նախագահ Ֆրանսուա Օլանդը պաշտպանության և անվտանգության խորհրդի նիստից հետո, որի ընթացքում քննարկվել են Նիսում ահաբեկչության հետևանքները:
«Շառլ դը Գոլ» ավիակիրը տարածաշրջան կժամանի սեպտեմբերի վերջին: Այն մեր Rafale ինքնաթիռների մասնակցությամբ հնարավորություն կտա ուժեղացնելու Սիրիայում և Իրաքում ԻՊ-ի դիրքերի ուղղությամբ հարվածները»,- ասել է Ֆրանսիայի նախագահը: