Շատերն, իրենց արևին, փորձում են նոր մարտի 1 կանխել, բայց իրականում անում են ճիշտ հակառակը

11:10 , 22 հուլիս, 2016
Ամենազզվելին այն է, որ մենք թե քաղաքական, թե մտավորական, թե սոցցանցային դաշտում տեսանք տեսակ, որը պատրաստ էր ու հող էր ստեղծում, որ Ծռերի գործողության հաջորդ օրը տեղի ունենա զինված գրոհ ՊՊԾի վրա ...
Գուցե նրանց թվում էր, թե այդպես, թուքումուր անելով ապստամբներին, նրանց առնվազն չպիտակավորողներին, իրենց արևին փորձում են նոր մարտի 1 կանխել ... Բայց իրականում անում էին ճիշտ հակառակը:
Հստակ ջրբաժան ստեղծեցին հասարակությունում, վախ, որ եթե նրանք այդպես են խոսում, ուրեմն գրոհ է լինելու ու պատասխան ատելություն ... Զսպանակի օրենքը գործեց ...
Քաղաքացիական պատերազմից խուսափելու, զինված բախումների խուսափելու ձևը թույլ չտալն է, որ հասարակության մի մասը "թշնամի" հայտարարվի ...
Լարվածությունը մեղմելու ձևը մյուս կողմի վարքագծի պատճառները հասկանալն է, նրա հետ հանգիստ բանավիճելը ...
Կամուրջներ այրողները թող իրենց խաղաղության աղավնի ու երկրի ճակատագրով մտահոգված չհամարեն..
Խելքի աշեցեք ...