PoliceOne.Com. Պատանդների հետ կապված իրավիճակների հանգուցալուծման կարևոր նախապայման է ճգնաժամի շրջանի արագ մեկուսացումը

Panorama.am-ը գրում է.

Զինված խմբավորումների կողմից որոշակի տարածքում քաղաքական կամ որևէ այլ նպատակներով պատանդներ պահելու ճգնաժամային իրավիճակների կարգավորման համար ոստիկանության և այլ համապատասխան իրավապահ մարմինների և զինյալների միջև  իրավիճակից դուրս գալու տարբերակներից լավագույնը բանակցություններն են, որը կիրառվում է զարգացած տարբեր երկրներում:

Զինյալների և իրավապահ մարմինների միջև շփումները անընդհատ դարձնելու և արտաքին միջավայրի հնարավոր ազդեցությունները չեզոքացնելու համար ճգնաժամի ամբողջ գոտուց առաջին հերթին տարհանվում է խաղաղ բնակչությունը և սահմանափակվում է մարդկանց տեղաշարժը՝ ինչպես հասարակական անվտանգության պահպանման, այնպես էլ ճգնաժամի արագ և անվտանգ հանգուցալուծում գտնելու նպատակով: Զանգվածային միջոցառումների անցկացումը, բնականաբար, ոստիկանության ուժերի կողմից շղթայված շրջանում նույնպես սահմանափակվում է՝ հասարակական անվտանգության նկատառումներից ելնելով: