Երկկողմանի փակ է Սելիմի լեռնանցքը

Հայաստանի Հանրապետության տրանսպորտի և կապի նախարարությունը տեղեկացնում է. 
Փետրվարի 7-ին` ժամը 17.45-ի դրությամբ, Հայաստանի Հանրապետության միջպետական և հանրապետական նշանակության բոլոր ավտոճանապարհները բաց են: 
Սաստիկ բքի և տեսանելիության բացակայության պատճառով երկկողմանի փակ է Սելիմի լեռնանցքը։
Հանրապետության որոշ շրջաններում՝ Արթիկում, Աշոցքում, Տաշիրում, Արագածում, Ապարանում և Ջերմուկում, տեղում է ձյուն: 
Անվտանգ երթևեկությունն ապահովելու նպատակով ավտոճանապարհներին իրականացվում են մաքրման, աղով ու ավազով մշակման աշխատանքներ: 
ՀՀ տրանսպորտի և կապի նախարարությունը վարորդներին խորհուրդ է տալիս երթևեկել ձմեռային անվադողերով: