Ջավախքում տեղի է ունեցել սպանված հայ ընտանիքի հուղարկավորությունը, որին մասնակցել են Յուրի Վարդանյանն ու այլ պաշտոնյաներ

Tert.am-ը գրում է.

Այսօր Ախալքալաքի Վաչիան գյուղում տեղի է ունեցել Խաչոտյանների ընտանիքի չորս անդամների հուղարկավորությունը, որին մասնակցել է նաև  Վրաստանում ՀՀ արտակարգ և լիազոր դեսպան Յուրի Վարդանյանը:

Այս մասին Tert.am-ի հետ զրույցում ասաց Վրաստանում Հայաստանի դեսպանատան աշխատակիցը. «Դեսպանն այսօր մեկնել է  Վաչիան` մասնակցելու Խաչոտյանների ընտանիքի չորս անդամների հուղարկավորության արարողությանը և այս ժամին դեռևս գտնվում է Վաչիանում»:

Նինոծմինդայի մունիցիպալիտետի ղեկավար Գագիկ Կարսլյանն էլ Tert.am-ի հետ զրույցում ասաց, որ Նինոծմինդայի շրջանի ղեկավար կազմը 15 հոգանոց պատվիրակությամբ երեկ մասնակցել է Խաչոտյանների հոգեհանգստի արարողությանը:

Վաչիան գյուղի բնակիչ Ռուզաննա Ս.-ն էլ տեղեկացրեց, որ հայ ընտանիքի հուղարկավորությանը մասնակցել են բազմաթիվ պաշտոնատար անձինք հարակից շրջաններից, ինչպես նաև հարևան գյուղերից. «Սա Ջավախքում չտեսնված ողբերգություն էր, շատերն են եկել իրենց մխիթարանքի խոսքը հայտնելու Վաղինակ Խաչոտյանին, ում ընտանիքն այլևս չկա»:

Ամբողջական հոդվածը կարող եք կարդալ այստեղ