ՄԱԿ-ի գլխավոր քարտուղարը կոչ է արել վերսկսել բանակցությունները պաղեստինա իսրայելական խնդրի կարգավորման ուղղությամբ
22:06 , 12 հուլիս, 2016
Artsakhpress.am-ը գրում է.
Պաղեստինա-իսրայելական հակամարտության կարգավորումը գտնվում է քաղաքական «կաթվածահար» վիճակում:
Ինչպես հաղորդում են ամերիկյան լրատվամիջոցները, այս մասին հայտարարել է ՄԱԿ-ի գլխավոր քարտուղար Բան Կի-Մունը:
Նա կոչ է արել անվտանգության խորհրդին աջակցություն ցուցաբերել մերձավորարևելյան քառյակին` ԵՄ, Ռուսաստան, ԱՄՆ, ՄԱԿ, կարգավորման գործընթացին նոր լիցք հաղորդելու համար:
Գլխավոր քարտուղարը նաև կոչ է արել Իսրայելին և Պաղեստինին «քառյակի հետ անհապաղ վերսկսել երկխոսությունը»: «Հանուն խաղաղության կողմերը պետք է գնան անհրաժեշտ փոխզիջումների: Միաժամանակ տարածաշրջանի պետությունները և միջազգային հանրությունը պետք է անհրաժեշտ ճնշումը գործադրեն կողմերի նկատմամբ», ասել է Բան Կի-Մունը:
Նա նաև ընդգծել է, որ խաղաղությանը հասնելու անհաջողությունները խթանում են ծայրահեղականությունը տարածաշրջանում: