ՌԴ ԱԻ ինքնաթիռը Հայաստան մուտք գործելու հնարավորությունից զրկված 156 քաղաքացու կտեղափոխի ՀՀ

17:26 , 29 հունիս, 2016
Հարգելի քաղաքացիներ, գործընկերներ, Զվարթնոց միջազգային օդանավակայանում վայրէջք կկատարի ՌԴ ԱԻ նախարարության ինքնաթիռը, որը 3 չվերթով Հայաստան կտեղափոխի Լարսի անցակետի փակման հետևանքով Հայաստան մուտք գործելու հնարավորությունից զրկված ՀՀ 156 քաղաքացիների:
Զվարթնոց օդանավակայանում կաշխատեն ՀՀ արտակարգ իրավիճակների նախարարության օպերատիվ արձագանքման խումբը, բժշկական ծառայության, հոգեբանական ծառայության և լրատվական ծառայության ներկայացուցիչները: Ինքնաթիռի ժամանման վերաբերյալ տեղեկատվությունը կներկայացվի հաջորդիվ: