Իջևան-Դիլիջան ճանապարհահատվածում քարաթափում է տեղի ունեցել

09:10 , 22 հունիս, 2016
Արտակարգ իրավիճակների նախարարություն հունիսի 21-ին՝ ժամը 19.16-ին, ահազանգ է ստացվել, որ Մ-4 ավտոճանապարհի Հովք գյուղի մոտակայքում տեղի է ունեցել քարաթափում, ճանապարհը դարձել է միակողմանի երթևեկելի:

Ըստ ԱԻՆ կայքի՝ դեպքի վայր է մեկնել մեկ մարտական հաշվարկ: Պարզվել է, որ քարաթափումը տեղի է ունեցել Մ-4 ավտոճանապարհի 122-րդ կմ-ում՝ Իջևան-Դիլիջան ճանապարհահատվածում:

Հրշեջ-փրկարարները ձեռքով ճանապարհից հեռացրել են փոքր քարեր, 3 մեծ քար (0,6մ3, 0,7մ3, 4մ3) հեռացրել են մեխանիկական կարապիկի միջոցով և սահմանազատել են քարաթափված հատվածը: «Լևոն-2»  ՍՊԸ աշխատակիցները 2 միավոր տեխնիկայով ճանապարհից հեռացրել են մոտ 17,5 խ/մ ծավալով քարը:

Հրշեջ-փրկարարները և Նոյեմբերյանի ՃՇՇ աշխատակիցները հատուկ տեխնիկայի միջոցով ճանապարհից հեռացվել են մոտ 17.5 խ/մ քարերը և սահմանազատել են քարաթափված հատվածը: