Բարաք Օբաման ներկա չի լինի Մուհամեդ Ալիի հուղարկավորությանը

Սպիտակ տան ներկայացուցիչ Ջոն Ֆրիդմանը հայտարարել է, որ ԱՄՆ նախագահ Բարաք Օբաման ներկա չի լինի լեգենդար բռնցքամարտիկ Մուհամեդ Ալիի հուղարկավորությանը, գրում է РИА Новости-ն:

«Նախագահը կնոջ հետ ներկա կլինի իր դուստր Մալիի ավարտական երեկույթին, որը տեղի է ունենալու Վաշինգտոնում»,- նշել է պաշտոնյան:

Նրա խոսքով՝ օգնականներից մեկը «նամակ կկարդա նախագահի և առաջին տիկնոջ անունից սգո արարողության ժամանակ»:

Հիշեցնենք, որ լեգենդար մարզիկը կյանքից հեռացել է հունիսի 3-ին՝ 74 տարեկանում։