Լեհաստանում ՆԱՏՕ-ի զորավարժությունները չեն նպաստում վստահության մթնոլորտի ձևավորմանը. Պեսկով

Araratnews.am-ը գրում է.

Լեհաստանում ՆԱՏՕ-ի զորավարժությունները չեն նպաստում անվտանգության և վստահության մթնոլորտի ձևավորմանը, Ռիա Նովոստիի փոխանցմամբ` հայտարարել է ՌԴ նախագահի մամուլի քարտուղար Դմիտրի Պեսկովը:

«Ցանկացած պարագայում զորավարժությունները, որոնց հիմքում դրված են հայտնի ուղղությամբ լեգենդները, իհարկե, չեն կարող նպաստել վստահության և անվտանգության մթնոլորտի ձևավորմանը»,- ասել է Պեսկովը` ակնարկելով, որ զորավարժություններն ուղղված են Ռուսաստանի դեմ:

Նշենք, որ Լեհաստանում հունիսի 6-ից սկսվել են ՆԱՏՕ-ի Anakonda անունը կրող զանգվածային զորավարժություններ, որոնց մասնակցում են 31 հազար զինծառայողներ Լեհաստանից, ԱՄՆ-ից և դաշինքի անդամ այլ 17 պետություններից, ինչպես նաև ՆԱՏՕ-ի գործընկեր 5 երկրներից: