Հանովերի օդանավակայանում Երկրորդ համաշխարհային պատերազմի ժամանակների ռումբ են հայտնաբերել

Հանովերի օդանավակայանի տարածքում Երկրորդ համաշխարհային պատերազմի տարիներին ընկած ամերիկյան ռումբ է հայտնաբերվել, տեղեկացնում է Associated Press-ը:

Ռումբի վնասազերծման աշխատանքների պատճառով տասնյակ չվերթներ հետաձգվել են:

Տեղի իշխանությունները որոշում են ընդունել հնարավոր պայթուցիկ սարքերի որոնման վերաբերյալ այն բանից հետո, երբ հողաշերտի զոնդավորում իրականացնելիս էլեկտրոնային խափանումներ են նկատվել երկու վայրում:

Մասնագետները հայտնաբերել և վնասազերծել են ամերիկյան արտադրության 250 կիլոգրամանոց ռումբ, երկրորդ կասկածելի առարկան մետաղական խողովակ է եղել: